Fransanın birinci xanımı intihar etmək istəyib. “İTAR-TASS”ın verdiyi məlumata görə, Fransa prezidenti Fransua Ollandla vətəndaş nikahında olan Valeri Trierveyler yüksək dozada dərman qəbul etdiyinə görə xəstəxanaya yerləşdirilib. Lakin yaxınları bu xəbəri təkzib edərək Valeriyanın yalnız bir neçə həb içdiyini deyiblər.
Trierveylerin bir neçə gün öncə Fransua Ollandın aktrisa Jüli Qaye ilə eşq macərasını eşitdikdən sonra xəstəxanaya düşməsilə bağlı xəbər yayılmışdı.
“Closer” jurnalı Fransa prezidentinin aktrisa ilə bir neçə aydır ki gizli əlaqəsinin olması ilə bağlı araşdırma aparıb. Fransa mətbuatının verdiyi məlumata görə, bu hadisə Trierveyler üçün şok olub (ans press).
