Mənim “Azadlıq” qəzetində dərc olunmuş “Əl quzuları himnimizi oxuyarkən” yazımla eyni gündə İsaq Əvəzoğlunun profilinə qoyulmuş məlum status arasında zaman fərqini Rauf Arifoğlunun hansı məqsədlə statusun xeyrinə saxtalaşdırmağını ilk öncə anlamadım. Fikirləşdim, axı bu qədər də olmaz , yəni bu adam o qədər ağlını itirib ki, yazı dərc olunandan nə az , nə çox – düz 8 saat sonra yazılmış statusun məhz mənim yazımdan qabaq yazıldığını iddia etsin, yəqin səhv oxumuşam, bir də oxuyum. Oxudum və yanılmadım, elə beləcə də yazmışdı. Və məhz məndən gələcək təpkini gözə alaraq, bir qədər ehtiyatlı davranmağa, səviyyəsinin imkan verdiyi sərhəddə “əl yeri” qoymağa çalışması da nəzərimdən qaçmadı.
İddia edir ki, mənim yazım dərc olunmamışdan əvvəl, daha dəqiq, gecə yarısı İshaq Əvəzoğlunun statusunu ona “çatdırıblar”. Və buna görə zamanı… nə az nə çox düz səkkiz saat geri çəkərək hökm verir – məhz həmin statusdan sonra mən həmin yazını yazmışam!!! Bir az utanmasa yazardı ki, elə gecə vaxtı həmin statusu Xaqaniyə göndərdim, o da bundan bəhrələnərək yazdı. Məntiqlə belə olmalı idi, yəni İsaq Əvəzoğlu status yazır, onu profilində yaymaq əvəzinə Rauf Arifoğluna göndərir, o da mənə , yəni Azadlıqdakı ən yaxın “dostuna” göndərir, deyir ki, al bu da sənə mövzu… Əslində bu variant da zamanla uymur, çünki mən həmin yazını “Azadlıq”ın poçtuna düz 16.46-da göndərmişəm. Rauf Arifoğluna inansaq, bu status ona gecə vaxtı göndərilib, yəni təxminən 6–7 saat sonra.
Razılaşın ki, vicdan məhbuslarımızı mühakimə edənlər, onun üzünə duranlar daha “ədalətlidirlər”. Bunu yalnız Krılovun “Qurd və quzu” təmsilindəki qurdun məntiqi ilə müqayisə etmək olar. Təsəvvür edin, sizi həbs edirlər, səbəbini soruşduqda isə deyirlər ki, gələcəkdə cinayət edib-etməyəcəyinzdən əmin deyilik.
Gələk , Rauf Arifoğlunun iddia etdiyi “oxşarlığa”. Düzü mən onu bu qədər xoflu, aciz və savadsız təsəvvür etməzdim. Mənim yazımdakı bütün istinadlar , onun Novxanıdakı mülki xaric, məhz “Yeni Müsavat” qəzetindən götürülüb. Hətta məqalənin başlığı belə onun qardaşı Azər Ayxanın Kəmaləddin Heydərova həsr etdiyi mədhiyyədən götürülüb. Sadəcə, “Heydərovlar” əvəzinə “Əl quzuları” yazdım. Mənim “Kamoş”un “Yeni Müsavat” qəzetində necə Kamal müəllimə çevrilməsini yazmağımı təhqir və murdarlıq (!) adlandıran Rauf Arifoğlu bilməldir ki, əsl təhqir və murdarlıq ata–ananın verdiyi adı təhrif etməkdir. İküzlülük də , bütün bunlardan sonra, həmin şəxsə yaltaqlanmaqdır.
Rauf Arifoğlu, mənim yazımı oxuyub da, İsaq Əvəzoğlunun statusunu oxumuyanlara stavka edir, fikirləşir ki, ən azı bu yazıların ikisini də oxumuyanlarda bir çaşqınlıq yarada bilər. Paralel olaraq, Az.Politika saytındakı İsaq Əvəzoğlunun statusu haqda yazı da “itirilir” ki, mənim yazımla bu yazını müqayisə etmək olmasın.
Rauf Arifoğlu Mərdəkanda olmayan mülkləri haqda od püskürür, amma Novxanı haqda susur. Nəzərinə çatdırıram ki, mən Mərdakan yox , Novxanıdan bəhs etmişəm, özü də AXCP-yə darısqal bir qərargahı çox görəndən sonra. Novxanı ilə Mərdəkanın harada yerləşməsini bilməyəcək qədər aciz deyiləm.
Xaqani Əliyevdən Rauf Arifoğluna sərt cavab
•
