Moskva ətrafı rayonlardan birində kriminal aləmdə nüfuzlu avtoritetlərdən sayılan “qanuni oğru” güllələnib.
Naməlum şəxslərin hədəfi olan “qanuni oğru”nun kimliyi də müəyyənləşib. Krasnoqorskda güllələnən avtoritet kriminal aləmdə Dato Potiyski ləqəbi ilə tanınan Gürcüstan vətəndaşı Dato Melkadzedir. O, avtodayanacaqda silahlı hücuma məruz qalıb.
Hadisəni törədənlər ona həyat yoldaşı və uşaqları ilə alış-verişdən gəldiyi zaman bir neçə dəfə atəş açıblar. Onu xəstəxanaya çatdırmaq mümkün olub. Həkimlər Melkadzenin vəziyyətinin ağır olduğunu bildirirlər. O, çiynindən və qarnından yaralanıb. “Qanuni oğru” Dato Potiyski uzun illərdir kriminal aləmin üzvləri tərəfindən axtarılırdı. O, başqa bir avtoritet Kvejo ləqəbli Avtandil Çixladzenin və onun həyat yoldaşının qətlində günahlandırılır. Mekladze bu illər ərzində gizlənə bilib. Bir qədər sonra isə Dato Potiyski xəstəxanada ölüb.
İnternet üzərindən apardığımız araşdırmalar zamanı məlum oldu ki, Dato təkcə Çixladze ailəsinin qətlində yox, Moskva vilayətində
Bir sıra iri ticarət obyektləri uğrunda mübarizənin qurbanı olub. Onun bu rəqabətdə əsas rəqibi isə köhnə dostu Revaz Suxumski imiş. Suxumski Ded Xasan klanına yaxın şəxslərdən hesab olunur. O, bir qədər əvvəl Tariyel Onianiyə mənsub olduğu iki ticarət mərkəzini ələ keçirmişdi. Ded Xasan klanına düşmən olan Oniani isə həbsxanadan xəbər göndərərk Suxumskini “özünü yığışdırmağı” tapşırmışdı. Məlumata görə, onun bu “ksiva”sını isə Suxumskiyə məhz Dato Potiyski çatdırmışdı.
Rusiya KİV-ə inansaq, Datoyla Suxumski iki gün əvvəl Moskvanın Savyolsovski rayonundakı restoranların birindən görüşüblər. Həmin görüşə, Dato tək gəlsə də, Suxumski öz adamları ilə olub. Həmin restoranda isə Potiyski hədələnib. Elə bu qətlin şzünün də həmin hədəylə əlaqəli olduğu bildirilir.
Rusiya KİV-in məlumatına görə, qarşı tərəfin Suxumskidən qisas alacağı deyilir.
