Eldəniz Quliyev: «Milli Şuranın ali orqanı olan sessiyada iştirak edəcəyik»
Milli Şura sədri Cəmil Həsənli “Azadlıq”a açıqlamasında Eldar Namazovun “El” Hərəkatı rəhbərliyindən təmsil olunanların Milli Şura Koordinasiya Şurası (Idarə Heyəti) tərkibində olmasını istədiyini deyib. Hazırda isə hər partiya və hərəkatdan iki nəfərin Koordinasiya Şurasında təmsil olunması təklif edilir.
Öz növbəsində “El” Hərəkatının sədri Eldar Namazov “Yeni Müsavat” qəzetinə açıqlamasında bildirib ki, onlar nəinki Milli Şuranın Idarə Heyətinə çoxlu sayda nümayəndələri daxil etmək qərarında deyillər, ümumiyyətlə orda iştirak etmək niyyətləri yoxdur. Bununla bağlı “El” Hərəkatı Idarə Heyətinin yekdilliklə qəbul olunmuş qərarı da var. E.Namazov Milli Şuranın Idarə Heyətində yer uğrunda heç bir şərt qoymadıqlarını, sadəcə yanaşmanı düzgün saymadıqlarına görə orda iştirak etmədiklərini deyir.
“El” Hərəkatı Ali Məclisinin sədri Eldəniz Quliyev isə “Azadlıq”a açıqlamasında təmsil olunduğu qurumun təxminən 10 gün əvvəl belə bir qərar qəbul etdiyini bildirdi: “”El” Hərəkatı Milli Şuranın ali orqanı olan sessiyada iştirak edir. Amma həmin o başı bəlalı siyahı çox narahat edici bir məqam idi. Ona görə də Idarə Heyətində iştirakdan imtina etdik”.
Fizzə
