Mirvari Qəhrəmanlı: «ARDNŞ-də zamanında ixtisarlara ehtiyac var idi»
Azərbaycan Dövlət Neft Şirkəti 2014-cü ili ixtisarlarla başlayır. Dekabrın 7-də ARDNŞ-nin Geofizika və Geologiya Idarəsinin üç istehsalat müəssisəsinə – “Kəşfiyyatgeofizika”, “Mədəngeofizika” və “Kompleks geoloji-kəşfiyyat və topoqrafiya” idarələrinə, həmçinin 1 servis qurumunun (Nəqliyyat və xüsusi texnika idarəsi) işçilərinə xəbərdarlıq olunub.
Üç idarə ləğv olunaraq bölməyə çevrilir. Nəqliyyat və xüsusi texnika idarəsi isə tərkibdən çıxarılır. Bu barədə məlumatı Neftçilərin Hüquqlarının Müdafiə Komitəsinin rəhbəri Mirvari Qəhrəmanlı yayıb. Ixtisara düşəcək işçilərin dəqiq sayı məlum olmasa da, təxminən nə qədər insanın işsiz qalacağını demək mümkündür.
“Azadlıq”a açıqlamasında Mirvari Qəhrəmanlı bu idarələrin hər birində 300-dən artıq insanın işlədiyini, ixtisarın da təxminən 1500 nəfəri əhatə edəcəyini deyir.
Hüquq müdafiəçisinin sözlərinə görə, ARDNŞ-də zamanında ixtisarlara ehtiyac var idi. Ancaq bu idarələrin hamısını eyni vaxtda ləğv etmək böyük işsiz ordusu yaradacaq: “Idarələrin ləğvi lazım idi. Ancaq zamanında. Nəqliyyat idarəsi ARDNŞ-in tərkibindən çıxarıldı. Bəlkə bundan sonra idarə müdirləri bir maşınla kifayətlənər. Xaricidə idarə müdirlərinin nə cangüdənləri var, nə də o qədər maşınları. Təhlükəsizlik idarəsi ARDNŞ-in tərkibindən çıxır. Orda da 5-6 mindən çox adam var. ”Azəriqaz”ın tərkibində ciddi struktur dəyişiklikləri olmalıdır. Yəni təxminən 25 minə yaxın insan işsiz qalacaq”.
Fizzə
