Yanvarın 6-da Bakıdan Naxçıvana uçmalı olan təyyarədəki yerlərdən biri üzrə biletin üç nəfərə satılması üzündən uçuşun bir müddət gecikməsi barədə məlumat yayıldı.
AZAL-ın mətbuat xidmətinin rəhbəri Məhərrəm Səfərli “Azadlıq”a açıqlamasında bu məlumatlara aydınlıq gətirib. O bildirib ki, hadisə heç də mediada yayıldığı şəkildə baş verməyib. Onun sözlərinə görə, təyyarənin salonunda bütün sərnişinlər oturandan sonra onları sayırlar. Həmin vaxt iki yerin boş olduğu müşahidə edilib və salona növbəti reysdən iki sərnişin buraxılıb. Amma həmin iki nəfər buraxılandan sonra sayın düz olduğunu görüblər və onları geri qaytarıblar. Bu sərnişinləri növbəti reysdən çağırıblar. Sonradan uçmalı olan təyyarədəki sərnişinlərin sayla düz olduğunü görüb həmin dəvət olunanları bilet aldıqları növbəti reyslə yola salıblar: “Bu, adi bir məsələ olsa da, şirkətin adına yaraşdırmırıq. Bu baxımdan həmin məsələyə məsul olan işçilərimiz bəlkə də işdən uzaqlaşdırıldı. Sabah (bu gün) həmin məsələyə baxılacaq”.
Sosial şöbə