Naxçıvanda səfərdə olan Müdafiə naziri general-polkovnik Zakir Həsənov orduda bir sıra dəyişikliklər edib. O, Naxçıvan hərbi litseyinin rəisi general-mayor Rasim Əliyevi Naxçıvan Əlahiddə Ümumqoşun Ordusunda komandan müavini vəzifəsinə gətirib. Həmçinin Naxçıvandakı N saylı hərbi hissənin komandiri polkovnik Teymur Eyyubov da Əlahiddə Ümumqoşun Ordusunda komandan müavini vəzifəsinə gətirib.
Bundan başqa Naxçıvandakı hərbi polisin rəisi polkovnik Elman Orucov buradakı hərbi litseyin rəisi təyin edilib.
Nazir bir sıra zabitlərə də palkovnik rütbəsi verib. Namiq Bayramov isə Naxçıvan Əlahiddə Ümumqoşun Ordusunda hava hücumundan müdafiə idarəsində qərargah rəisi təyin edilib.
Bu barədə Xeberdar.az-a Naxçıvan Əlahiddə Ümumqoşun Ordusundakı etibarlı mənbə məlumat verib.
Məlumatla bağlı Müdafiə Nazirliyinin mətbuat xidmətinin rəhbəri Vaqif Dərgahlının mövqeyini öyənmək mümkün olmayıb.
Hərbi ekspert Üzeyir Cəfərov isə Teymur Eyyubov da Əlahiddə Ümumqoşun Ordusunda yeni komandan müavinlərindən biri – Teymur Eyyubov barədə bilgilərini “Azadlıq”la bölüşüb. O, bildirib ki, Teymur Eyyubovla birgə Hacı Zeynalabdin Tağıyev qəsəbəsindəki N saylı hərbi hissədə xidmət edib: “O kəşfiyyat bölüyünün komandiri və kəşfiyyat xidmətini rəisi idi. Sonralar başqa hərbi hissələrdə xidmət edib. Səfər Əbiyev işdən çıxarılmamışdan az əvvəl Bakıdakı hərbi hissələrin birinini komandiri idi. Zakir Həsənov müdafiə naziri təyin olunandan sonra Naxçıvana ilk səfərində Teymur Eyyubovu özü ilə ora apardı. Və onu Naxçıvandakı hərbi hissələrin birinə komandir təyin etdi”.
