Türkiyədə hökuməti hədəf alan 17 dekabr əməliyyatında həbs olunan azərbaycanlı iş adamı Rza Zərrabı “Metris” həbsxanasında ziyarət edən vəkili Xəlil İbrahim Kocanın ona “Əlavə ifadə ver. “Bu işləri hökumətin məlumatı daxilində etdim” söylə. Səni sərbəst buraxdırıb evinə göndərək” deyə təklifi etdiyi iddia olunur.
Türkiyə KİV-in verdiyi məlumata görə, vəkilin 5-6 yanvar tarixlərində bir neçə dəfə cəza evinə girib-çıxdığı kameralarda təsbit edilib.
Vəkil Xəlil İbrahim Kocanın Rza Zərrabın əməliyyatla bağlı vəkilliyini öhdəsinə götürməsə də digər işlərlə bağlı vəkilliyini etməsi bildirilir. “Sərbəst buraxılma kağızın hazır olacaq, əlavə ifadə ver” deyən vəkilə Rza Zərrabın nə cavab verdiyi açıqlanmır.
Adı “1 milyon dollarlıq xəbər şantajı” ilə gündəmə gələn vəkil Xəlil İbrahim Kocanın əməliyyat günü axşamına qədər Rza Zərrabın vəkili olduğu və Zərrab nəzarətə alınanda “ortada qaldım” deyərək, vəkilliyini buraxdığı iddia edilmişdi.
