Keçmiş xarici işlər nazirinin Tehrana səfəri deputatları qəzəbləndirib
Britaniyanın keçmiş xarici işlər naziri Cel Strounun Irana gözlənilən səfəri Iranın parlament, mətbuat və sosial mediasında qarışıq reaksiya doğurub. “BBC Azərbaycanca” xəbər verir ki, parlamentin bir sıra üzvləri səfəri “böyük səhv” adlandıraraq, onu tənqid edib. Dövlətin nəzarətindəki IRNA xəbər agentliyi isə bunu əlaqələrin yaxşılaşması üçün daha bir addım adlandırıb.
Eyni zamanda, sosial media istifadəçiləri də səfəri alqışlayıb, Britaniyanın Tehrandakı səfirliyinin yenidən açılmasına ümid ifadə edib.
Iranlı parlament üzvü Əli-Hacı Cek Strounun Irana “dəvət” edilməsini “böyük səhv” adlandırıb.
Avropa Ittifaqı nümayəndə heyətinin iranlı insan haqları vəkili Nəsrin Sotudeh və müxalif kinorejissor Cəfər Pənahi ilə Yunanıstanın Tehrandakı səfirliyində ötən ay görüşməsini yada salan deputat deyib ki, Qərb Iranla nüvə danışıqlarında biabır olmasını ört-basdır etmək üçün ictimaiyyəti aldatmaq istəyir.
“Beləliklə, onlar fəsadçılarla görüşmək kimi absurd və hiyləbaz bir addım atmaq qərarına gəliblər”, – deyə o, əlavə edib.
Digər millət vəkili, parlamentin Milli Təhlükəsizlik və Xarici Siyasət Komissiyasının üzvü ÿƏsma-il Kövsəriÿ deyib ki, Cel Strou Iranda xoş qarşılanmayacaq.
“Avropa Ittifaqının parlament nümayəndə heyətinin hərəkəti – Yunanıstan səfirliyində fəsadçılarla (2009-cu ildə seçkilərdən sonrakı iğtişaşda iştirak edənlərlə) görüşü qanunsuz idi. Beləliklə, Cek Strounu Iranda salamlamayacağıq”, – deyə Kövsəri bildirib.
“Təhlükəsizlik işçiləri Cek Strounu diqqətl izləməlidir” – bunu isə başqa bir millət vəkili ÿMəhəmmədsaleh Cokardanÿ deyib.
IRN Agentliyi isə Britaniya parlamentinin dörd nəfərlik nümayəndə heyətinin Tehrana gəlişini ikitərəfli əlaqələrin yaxşılaşması baxımından daha bir addım kimi qiymətləndirib: “2011-ci ildə hər iki tərəfin səfirlikləri bağlanandan ən aşağı səviyyədə olan Iran-Britaniya əlaqələri, ehtiyatlılıq və ümid hakimiyyəti seçiləndən bəri böyük irəliləyişlər edir”, – deyə agentlik yazır.
Iranın”hastei”saytının xəbərinə görə, məxfi görüşlərdə islahatçı hərəkatın bəzi üzvləri deyiblər ki, nüvə danışıqlarında Cek Strou Iranın nüvə vasitəçisi vəzifəsində çalışacağına razılıq verməlidir.
