Cəmil Həsənli Milli Şuranın Idarə Heyətinin formalaşması ilə bağlı yayılan məlumatlara aydınlıq gətirdi
Milli Şuranın Sədr Aparatının formalaşdırılmasından sonra, onun Idarə Heyətinin yaradılması prosesinə də start verilib. Bu barədə məlumatı musavat.com saytı yayıb.
Məlumatda bildirilir ki, artıq Milli Şuranın Idarə Heyətinin layihə-siyahısı hazırlanıb və tanış olmaq üçün təsisçi təşkilatlara göndərilib. Iddia olunur ki, Milli Şuranın rəhbər strukturuna hər təsisçi təşkilatdan iki nəfər salınıb. Əlavə olaraq, müstəqil ictimaiyyətçilər, tanınmış ziyalıların bəziləri də siyahıya salınıblar.
Məlumatda o da vurğulanır ki, bəzi Milli Şura üzvləri Idarə Heyətinin bir partiyanın – AXCP-nin dominantlığı əsasında formalaşdırılacağından narahatdır.
Milli Şuranın sədri Cəmil Həsənli isə “Azadlıq”a bildirib ki, Idarə Heyətinin formalaşdırılması ilə bağlı daxili məsləhətləşmələr aparılır: “Hələ məsləhətləşmələr gedir. Ona görə də indidən bu barədə danışmaq tezdir. Bir də onu dəqiq bilirəm ki, həmin siyahı ”Yeni Müsavat” qəzetinə göndərilməyib”.
Cəmil Həsənli Idarə Heyətinin bir partiyanın dominantlığı əsasında formalaşa biləcəyi narahatlığına da toxunub. “Bunlar hamısı tamamilə yanlış iddialar və informasiyalardır”, – deyə Milli Şuranın sədri vurğulayıb.
Azad
