Əyyub Hüseynov: «Keyfiyyətdə yaxşılığa doğru heç bir dəyişiklik yoxdur»
“Ölkədəki qiymət artımından sonra yanacaqdoldurma məntəqələrində keyfiyyətlə əlaqədar yoxlanışlar aparılacaq.” “SalamNews” xəbər verir ki, bunu Standartlaşma, Metiorologiya və Patent üzrə Dövlət Komitəsinin (SMPDK) sədri Ramiz Həsənov bildirib.
O deyib ki, yoxlanışların aparılması üçün göstəriş vermişəm. Hər gün yoxlamalar aparılır. Öncədən bildirilmədən məntəqələrə gedərək nümunələr götürüləcək: “Sumqayıt şəhərində müasir tələblərə cavab verən laboratoriyamız fəaliyyət göstərir. Götürülən nümunələr burada yoxlanılacaq. Bu gün belə problem mövcud deyil. Amma bu, çox ciddi nəzarətdədir. Yoxlanışlar davam etdiriləcək.”
Bəs yanacağın qiyməti artandan sonra keyfiyyət artımı müşahidə olunubmu?
Azad Istehlakçılar Birliyinin sədri Əyyub Hüseynov yanacağın qiyməti artımından sonra keyfiyyətdə heç bir dəyişiklik olmayıb. Istehlakçıların verdiyi məlumatlar da bunu bir daha təsdiqləyir: “Istehlakçıların bizə verdiyi məlumata görə, keyfiyyətdə yaxşılığa doğru heç bir dəyişiklik yoxdur. Eyni benzin satılır”.
Bununla belə E.Hüseynov yoxlamaların keçirilməsini müsbət qiymətləndirir. Çünki bu çox vacibdir, zəruri addımdır.
Fizzə
