Bir az əvvəl naməlum şəxs MTN-nin təcridxanasında saxlanılan Pərviz Həşimlinin ailəsinin yaşadığı mənzilin qapsısını döyüb. Pərvizin həyat yoldaşı gözlükdən baxarkən qapını döyənin qara maskada olduğunu görüb. Ailə üzvləri qorxu içindədirlər. Bu barədə məlumatı Pərvizin iş yoldaşı Elçi Rüstəmli facebook statusuda yazıb.
Pərviz Həşimlinin ailə üzvləri məlumatı azadliq.info-ya təsdiqləyiblər. Onun həyat yoldaşı İlahə xanım deyib ki, hadisə yaşadıqları yeni mənzildə baş verib. Onlar bura öz evlərində uşaqları qorxudan yaşaya bilmədiyinə görə məcburən yığışıblar. Bu ev qohumlara məxsusdur. O, bildirib ki, evdəykən birdən qapının rəzəsinin tərpədildiyini görüb. Gözlükdən baxanda qapı önündə bir nəfərin dayadığını, aşağı yuxarı əyilərək nəsə etməyə çalışdığını görüb və dərhal qapının başqa kilidlərini də bağlayıb. Həmin şəxs qara maskada olub. “Mən bunu edəndən sonra tez geri qayıdıb bir-iki yerə zəng vurdum. İki dəqiqə çəkmədi baxdım ki, o maskalı qaçıb gedib”. İlahə Rüstəmovanın “102” xidmətinə etdiyi zəngdən sonra onlara sahə müvəkkili gəlib. Ondan hadisə ilə bağlı ifadə alıblar. Rüstəmova şübhələnir ki, baş verən hadisə ailədə xof yaratmaq və Pərvizə mənəvi işgəncə verib istədikləri izahatı almaq üçün ola bilər.
Natiq
