Türkiyənin məşhur sənətçisi, Azərbaycanda da yaxşı tanınan və sevilən müğənni Adnan Şənsəs dekabrın 25-i axşam saatlarında müalicə alıdğı Şişli Memorial Xəstəxanasında dünyasını dəyişib. Sənətçinin 78 yaşı vardı. O, uzun müddət idi ki, xəstəlikdən əziyyət çəkirdi.
Adnan Şənsəsin vəfatı ilə əlaqədar baş nazir Rəcəb Tayyib Ərdoğan başsağlığı verib.
Adnan Şənsəs 21 avqust 1935-ci ildə Bursada anadan olub. O, musiqi həyatına 1956-cı ildə başlayıb. Əvvəlcə Ankara radiosunda çalışan Adnan Şənsəs burada 16 il işləyib. Sonra müxtəlif kazinolarda səhnəyə çıxıb. 47 filmə çəkilib və bir neçə albomu çıxıb.
