Filmin Səfəvilər dövlərini aşağılayan bölümü yığışdırıldı
Türkiyədə yaşayan güney azərbaycanlı fəal, GAMAC (Güney Azərbaycan Milli Azadlıq Cəbhəsi) üzvü Məhbub Əmrahinin “Muhteşem yüzyıl” serialını çəkən şirkətdən şikayəti nəticə verib. Bu barədə GünAz TV-nin yaydığı məlumatda bildirilir. Türkiyədə televiziyada yayımlanan serialın 115-ci bölümündə Azərbaycan-türk dövləti olan Səfəvi dövlətinin “fars dövləti” kimi təqdim olunmasından və tarixi həqiqətlərin kobudcasına təhrif edilməsindən sonra edilən şikayət nəticəsində artıq serialı çəkən şirkət geri addım atıb. Belə ki, şirkət Səfəvilər dövlətinə qarşı təhqirə yol verdiyi 115-ci bölümü saytlardan silib və filmin disklərini yayıldığı bazarlardan toplayıb. Buna baxmayaraq məhkəmə prosesi davam edir və Ankaranın ümumi məhkəməsi 10 gün içində şikayətə baxıb və ilkin nəticəni elan edəcək. Məhbub Əmrahi GünAz TV mətbuat mərkəzinə bildirib ki, məhkəmə prosesini sonuna qədər davam etdirəcək: “Ona görə ki, bu xəbərin Türkiyə mətbuatında yayımlanması Güney Azərbaycanın tarix və mədəniyyətinin tanınlanması nöqteyi-nəzərindən mühümdür”. Xatirladaq ki, Türkiyədə yaşayan Milli Cəbhənin üzvü Məhbub Əmrahi serialı çəkən və orada Azərbaycanla bağlı tarixi həqiqətləri təhrif edənləri Ankaranın baş prokurorluğuna verib. Həmçinin şikayətçi Facebook səhifəsində “bu şikayət biri dini şikayət deyil və İran bundan su-istifadə etməsin deyə diqqətli olmalıyıq. Mənim hədəfim Səfəvilərin türk olduğunu xatırlatmaqdır və Azərbaycan türkləri ilə Türkiyə türkləri qardaşdırlar” yazıb.
musavat.com
