Vikipediya internet ensiklopediyasının Azərbaycan dili versiyasında kuryoz bir fakt qeydə alınıb. Bu nəhəng məlumat mənbəyində məşhur portuqaliyalı futbol ulduzu, “Real Madrid”in hücumçusu Kriştiano Ronaldo Azərbaycan Respublikasının “2013-cü üldə yüksək faiz səslə seçilmiş prezidenti” kimi təqdim olunub. Bu faktı “minval.az” saytı Vikipediya-nın ekranından kəsilmiş foto ilə yayıb.
Fotodan göründüyü kimi internet ensiklopediyasında futbolçu haqqında məlumatın “Erkən karyerası” bölməsi bu cümlə ilə tamamlanır: “2013-cü ildə Azərbaycan Respublikası prezidenti seçkilərində yüksək səs toplayan Kriçtiano Ronaldio, 2018-ci ilə qədər Azərbaycan Respublikasının prezidenti vəzifəsini icra edəcəkdir”.
Bu qeydin Vikipediya-da portuqaliyalı oyunçu barədə məlumat bazasına necə düşdüyü və nə qədər orada qaldığı bəlli deyil. Hazırda isə həmin qeyd göstərilən mənbədən götürülüb.
