Zümrüd Yağmur qurumun üzvlüyündən imtina etdi
Azərbaycan Yazıçılar Birliyi adından bu seçkidə İlham Əliyevə dəstək verdikləri barədə yayılan bəyanat elə qurumun öz daxilindən etirazla qarşılanıb. AYB-nin üzvlərindən biri, yazıçı Zümrüd Yağmur bu bəyanata qarşı çıxdığını açıqlayıb. O, mövqeyini facebook səhifəsində paylaşıb.
“Yazarlar Birliyi seçkilərdə İlham Əliyevi dəstəklədikləri haqqında bəyanat veriblər. Maraqlıdır, yuxarının sifarişi ilə bu bəyanatı hazırlayıb altından da imza atanlar mənim adımdan niyə belə bir qərarı vermək haqqını özlərinə veriblər?! Mən də o qrumun üzvüyəm və qətiyyən İlham Əliyevi dəstəkləmirəm. Anar Yazarlar Birliyində verdiyi qərarla evində verdiyi qərarı deyəsən dəyişik salıb. O ailəsində bəlkə də hamının adından qərar verə bilmədiyi halda necə olur ki, mənim adımdan belə bir qərarı verə bilir? Bu cəsarəti o harda alıb?
Yoxsa bunun adı çəsarət deyil də, başqadır?!…
Mən bu gündən bu qrumun üzvü deyiləm. Yaxın zamanda rəsmi şəkildə ərizəmi yazıb bu qrumun sıralarını tərk edəcəyəm.
Çünki mən İlham Əliyevi dəstəkləmirəm və Anarın yalanlarına şərik olmaq istəmirəm”, – deyə bir neçə romanın müəllifi olan xanım yazar qeyd edib..
