Əmək miqrantı ildə iki dəfə qanunu pozarsa deportasiya edilə bilər
Moskvada qeyri-rəsmi taksi sürücülüyü ilə məşğul olan miqrantlar deportasiya ediləcək. ANS PRESS-in məlumatına görə, buna bu gün Moskva şəhər duması tərəfindən qəbul edilmiş yeni qanun layihəsi imkan verir.
Yeni qanuna görə, əmək miqrantı ildə iki dəfə qanunu pozarsa deportasiya edilə bilər. Həmçinin yeni qanuna görə, əmək miqrantları yük avtomobillərini, avtobusları və kommersiya yönümlü digər minik vasitələrini idarə edə bilməzlər.
Həmçinin Moskva meri Sergey Sobyanin Rusiya sürücülük sənədi olmayanların iki il müddətinə beynəlxalq sürücülük vəsiqəsindən məhrum edilməsini təklif edib.
