Hadisə yerinə gələn polis dalaşanları ayırmaq üçün havaya atəş açmalı olub
Bu gecə Moskvanın qərbindəki kafelərdən birində dağıststanlılarla azərbaycanlıların iştirakı ilə kütləvi dava baş verib. ANS PRESS-in İnterfax-a istinadən verdiyi məlumata görə, xəbəri Daxili İşlər Nazirliyinin Moskva şəhər idarəsi yayıb. Məlumatda hadisə yerinə gələn polisin dalaşanları ayırmaq üçün havaya atəş açdığı bildirilir. İnsident iştirakçısı olan dörd nəfər saxlanılsa da onlar bir-birlərindən şikayət ərizəsi yazmaqdan imtina ediblər. Davada neçə şəxsin iştirak etdiyi bildirilmir. İnsidentin məişət zəminində baş verdiyi bildirilsə də konkret səbəb göstərilmir. Polisin davanın baş verdiyi kafenin göstərildiyi ünvanda “Yandex” xidmətinə əsasən “Azərbaycan” kafesi yerləşir.
