AXCP Gənclər Komitəsinin fəal üzvü Rahib Hacıyev iyulun 21-də yaşadığı binanın qarşısında saxlanılaraq Narkotiklərlə Mübarizə İdarəsinin Səbael rayon şöbəsinə aparıldığı haqda məlumat vermişdik.
Belə ki, Rahib Hacıyevi 7 nəfər polis formasında, 5 nəfər mükü formada olan şəxslər yaşadığı blokun qarşısında tutub, yaşadığı mənzilə aparıblar. Uzun axtarışdan sonra guya evdən narkotik maddə tapılıb. Daha sonra Rahib Hacıyevə narkotik ittihamı ilə cinayət işi açılıb. Xatrıladaq ki, Rahib Hacıyev siyasi fəaliyyətinə görə bir-neçə dəfə polisə çağırılaraq həbs olunmaqla hədlənmişdi.
Hakimiyyətin müxalif fikirli gənclərə qarşı repressiyası davam edir. Bundan əvvəl narkotiklə ittiham olunan gənc fəallar kimi Rahib Hacıyevində şərlənərək həbs olunması heç kimdə şübhə doğurmur.
Rahib Hacıyevin vəkili Fəxrəddin Mehdiyev “Azadlıq” açıqlamasında bildirdi ki, hazırda Rahib Hacıyev Kürdəxanı təcridxanasında saxlanınlır və sabah onunla görüşməlidir: “ Rahib Hacıyev haqqında 2 aylıq həbs qət imkan tədbiri seçilib. Cinayət Məcəlləsinin 234- cü maddəsi ilə ittiham edilib. Müstəntiq zənglərimə cavab vermir, sanki yayınmağa çalışır. Sabah müstəntiq mənə məktub versə Rahib Hacıyevlə görüşməliyəm. Onu da qeyd edim ki, Rahib Hacıyevin saxlanılarkən hüquqları pozulub. Ailəsinə məlumat verilməyib. Bütün bu qanunsuzluqlarla bağlı öz mövqeyimizi ifadə edəcəyik”
