Iranın «arannews» portalı rəsmi Bakını ittiham edir
Iran xəbər portalı “arannews” Bakıda fəaliyyət göstərən Imam Xomeyni Imdad Komitəsinə bağlı “Imam Əli tibb klinikası”nın fəaliyyətini dayandırması haqda informasiya yayıb. Səbəb kimi kinikanın lisenziya müddətinin uzadılmaması göstərilir.
Imam Xomeyni Imdad Komitəsi nümayəndəliyinin qapısına vurulan bildirişdə klinikanın fəaliyyətinin dayandırıldığı, icazə alınması üçün ölkənin əlaqədar qurumları ilə məsləhətləşmələrin getdiyi qeyd olunur.
Klinikanın fəaliyyətinin dayandırılması ilə bağlı Azərbaycana hədə-qorxu da gəlinir. Belə ki, Azərbaycan vətəndaşına pulsuz tibbi xidmət edən klinikanın bağlanmasının narazılığa səbəb olduğu vurğulanır.
Iran tərəfi komitə və bu klinikanın Azərbaycana milyon dollarla ölçülən hümanitar yardım etməsini xatırladır.
Daha sonra xəbərdə Azərbaycan tərəfi komitəyə haqsız münasibətdə ittiham edilir. Belə ki, Azərbaycanda komitənin 30 il fəaliyyət göstərməli olmasına baxmayaraq, 2013-cü ildə Nazirlər Kabineti tərəfindən fəaliyyətinin dayandırıldığı qeyd edilir. Bundan əlavə, komitənin direktoru və müavininə Bakıya gəlməyə viza verilmir.
Azərbaycan tərəfi komitənin Iran Milli Bankındakı hesabını dondurmaqda, oradan vəsait götürülməsinə mane olmaqda ittiham edilir. 2012-ci ildə komitənin rayonlardakı bəzi nümayəndəliklərinin fəaliyyəti dayandırılıb, Gəncə və Lənkərandakı nümayəndəlikləri təhdid olunub.
Daha sonra Iran tərəfi Azərbaycanda Qərb və Israil nümayəndəliklərinin fəaliyyət göstərməsini qeyd edərək Azərbaycanı Iranı sıxışdırmaqda ittiham etməyə çalışır.
Iran rəsmi Bakıya “can yandıraraq” Qərb təşkilatlarını müxalifətə yardımda suçlayır.
Amma Azərbaycan tərəfin bu qurumlara qarşı addım atmamasına diqqət çəkilir. Komitənin “xeyirxahlığına” baxmayaraq, nümayəndəliyin fəaliyyətinin dayandırılmasının “Azərbaycanda xalqın narazılığına səbəb olması” iddia edilir. “Bakının hərəkəti xalqın narazılığına səbəb olub və 20 il əvəzsiz yardıma təhqiramiz davranışla cavab verərlər”-deyə sual olunur. Son olaraq Iran Azərbaycanda bəzi media və dairələrin bu dəstəyi gözdən salmaq məqsədilə Iranın Ermənistana dəstək verməsi il bağlı Iranın əleyhinə təbliğat aparılmaqda ittiham edilir.
