İyulun 25-də Nəsimi Rayon Məhkəməsində AXCP üzvü Dəyanət Babayevin işi üzrə proses keçirilib.
Vəkil Əsabəli Mustafayev “Media forum” saytına deyib ki, proses növbəti dəfə təxirə salınıb: “Səbəb zərərçəkmişin prosesə gəlməməsidir. Məhkəmə onun məcburi qaydada gətirilməsi haqda qərar çıxarmasına baxmayaraq zərərçəkmiş Tofiq Səlimov tapılmır. Məlum olub ki, o, ifadəsində yaşayış yeri haqda yalan məlumat verib. Onun qeyd etdiyi ünvanda Tofiq Səlimov adlı şəxs qeydiyyatda olmayıb. Zərərçəkmişin məhkəmədə dindirilə bilməməsi səbəbindən hakim Xumar Mərdanova prosesi avqustun 25-nə kimi təxirə saldı”.
Xatırladaq ki , Dəyanət Babayev ötən il noyabrın 7-də vətəndaş Səlimov Tofiq Fuad oğluna fiziki təzyiq göstərməkdə ittiham olunur. Bir müddət əvvəl zərərçəkmişin Rusiyaya qaçdığı barədə xəbərlər yayılıb.
