İddiaçılardan biri baş redaktordan 50 min manat təzminat, digəri isə onun həbsini tələb edir
“Azadlıq” qəzetinin baş redaktoru Qənimət Zahid məhkəməyə verilib. Baş redaktor barəsində Yasamal Rayon Məheəmsində iki iddia qaldırılıb. Iddialardan biri Hüseynağa Babayevə məxsusdur. O, Qobustan həbsxanasında cəza çəkir.
Hüseynağa Babayev Qənimət Zahidi “Azadlıq”da 2011-ci il noyabrın 22-də dərc olunmuş “Buzovnada atışmada adam öldürüldü” və noyabrın 23-də dərc olunmuş “Buzovnadakı atışmanın şok təfərrüatları” sərlövləhli yazılara görə məhkəməyə verib. Iddiaçı məhkəmədən Qənimət Zahidin Cinayət Məcəlləsinin 147.1, 147.2 və 148-ci maddələrilə məsuliyyətə cəlb olunmasını xahiş edir.
Ikinci iddiaçı isə Təhmasib Novruzovdur. O isə Qənimət Zahidi AXCP sədri Əli Kərimliyə sui-qəsdlə bağlı hazırda həbsdə olan Bəhlul Muradovun açıqlamalarının “Azadlıq”da dərc olunmasına görə məhkəməyə verib. Təhmasib Novruzov Qənimət Zahiddən 50 min manat təzminat tələb edir.
Məlumat üçün deyək ki, həm Hüseynağa Babayevin, həm də Təhmasib Novruzovun adları hallanan yazılarla bağlı mövqeləri “Azadlıq”da dərc edilib. Amma hansısa səbəbdən hər iki şəxs sonradan məhkəməyə müraciət etmək qərarına gəlib. Təhmasib Novruzovla Hüseynağa Babayevin mövqelərinin dərc olunmasına baxmayaraq məhkəməyə müraciət etmələri və məhz Qənimət Zahidi hədəfə almaları məsələnin kökündə hakimiyyətin “Azərbaycan saatı” verilişi ilə bağlı problemi dayanır. Hakimiyyət uzun müddətdir ki, bu verilişi qapatmaq üçün müxtəlif addımlar atır. Qənimət Zahidin müxtəlif bəhanələrlə məhkəmələrə çəkilməsi də bu addımlardan biri sayıla bilər.
Azad
