Ötən həftənin sonunda YUNESKO-nun Baş Direktoru İrina Bokova və Azərbaycanın mədəniyyət və turizm naziri Əbülfəz Qarayev Əməkdaşlıq haqqında Çərçivə Sazişi imzalayıblar.
YUNESKO-nun mətbuat xidmətindən Turan-a verilən məlumata görə, imzalama mərasimi bu təşkilatın Parisdəki qərargah-mənzilində baş tutub.
Saziş YUNESKO-nun icraatına aid bütün sahələrdə əməkdaşlığın möhkəmləndirilməsinə yönəlib. Azərbaycan əldə edilmiş razılaşmalar çərçivəsində YUNESKO proqramlarının maliyyələşdirilməsi üçün 5 milyon ABŞ dolları vəd edib.
İmzalanma mərasimi yekunlaşdıqdan sonra Azərbaycanın YUNESKO-ya hədiyyə etdiyi daş heykəlin rəsmi inauqurasiyası və daşyonma sənətinə həsr olunmuş sərginin açılışı olub.
