ABŞ hesab edir ki, ordu tərəfindən hakimiyyətdən uzaqlaşdırılan və ev dustağı edilən Misir prezident Məhəmməd Mursi azad edilməlidir. Musavat.com-un İTAR-TASS-a istinadən verdiyi məlumata görə, bunu Ağ evin mətbuat katibi Cey Karni brifinqdə deyib.
“Biz siyasi motivlərlə bütün həbs və saxlanılmaların dayandırılmasına çağırırıq”, – deyən Ağ ev rəsmisinin sözlərinə görə, bütün tərəflər Misirin siyasi gələcəyinin formalaşdırılmasında iştirak etməlidirlər.
Cey Karni bildirib ki, ABŞ administrasiyası Məhəmməd Mursi ilə bağlı vəziyyətin qanunun aliliyi, prosessual normalara hörmət və şəxsi təhlükəsizliyin təmin olunması ilə həll edilməlidir. Onun sözlərinə görə, Birləşmiş Ştatlar rəsmiləri bunu Misirin keçid hakimiyyəti ilə danışıqlarda aydın şəkildə izah ediblər: “Bu barədə söhbətlər hər gün aparılır”.
