Tanınmış hüquqşünas Qurban Məmmədov, prezidentin işlər idarəsinin müdiri Akif Murdaverdiyev, axtarışda olan sabiq deputat Hüseyn Abdullayevin işi ilə bağlı mətbuatda yeni məlumat yoxdur. Bu mənada istintaqın gedişində, ümumiyyətlə, adıçəkilən şəxslərlə bağlı yenilik olub-olmadığını öyrənmək üçün onların hüquqlarını müdafiə edən vəkillərlə əlaqə saxladıq.
Qurban Məmmədovun vəkili Süleyman Qasımovun söylədiyinə görə, müdafiə etdiyi şəxsin istintaq işində adı keçən “Mersedes” avtomobili texniki ekspertizadan keçməlidir. Bundan sonra mətbuata müəyyən məlumat veriləcək: “Həmin texniki ekspertizanın rəyi hazır olan kimi iş yekunlaşdırılıb məhkəməyə veriləcək ki, təqsirkar kimdir”.
Hüseyn Abdullayevin vəkili Akif Əlizadənin sözlərinə görə, sabah (bu gün) günün ikinci yarısında həmin işlə bağlı press-relizi yayacaqlar.
Akif Muradverdiyevin hüquqlarını müdafiə edən vəkil Fuad Ağayevlə əlaqə yaratmaq cəhdlərimiz isə alınmadı.
Hazırda həbsdə olan sabiq səhiyyə naziri Əli Insanovun vəkili Toğrul Babayev hüquqlarını müdafiə etdiyi şəxslə bağlı yeni heç bir məlumat olmadığını söyləyib: “Yeni məlumat olan kimi sizi xəbərdar edəcəyik”.
Nigar
