Xəbər verildiyi kimi ötən gecə Rusiyanın Sverdlovsk vilayətinin Yekaterinburq şəhərində kafelərin birində kriminal aləmdə məşhur olan “qanuni oğru”ların yığıncağına polis basqın edib. Nəticədə atışma olub, bir neçə nəfər yaralanıb.
O da məlum olub ki, əməliyyat nəticəsində 1957-ci il təvəllüdlü gürcü Teymur Mirzoev saxlanılıb. O, kriminal aləmdə “Timur Tbiliski” ləqəbi ilə məşhurdur və “Ded Xasan”ın qardaşı oğludur. Onunla birlikdə kriminal aləmdə tanınmış simalardan olan “Solomo” ləqəbli Vladimir Solomonnikov, “Leva” ləqəbli Levan Akoev, Nəsimi Qazməmmədov, Yuliy Şavilov və s. oğrular da saxlanılıb.
Dünən Yektarenburq polisinin yaydığı məlumatda bildirilir ki, saxlanılanların ümumi sayı 16 nəfərdir. Məlumata görə, onların arasında Ilham Osmanov adlı azərbaycanlı da var. Kriminal aləmdə “Osman” ləqəbi ilə tanınan Ilham Osmanovun 36 yaşı var və hazırda Çelaybinsk şəhərində qeydiyyatdadır. Osman Çelaybinsk şəhərində ÿvəziyyətə nəzarət edirmiş və onu bu işə vaxtıyla “Ded Xasan” tərəfindən təyin edilibmiş.
