“Titanik 2” gəlir. Avstraliyalı milyarder Kliv Palmer ötən gün Nyu-Yorkda mətbuat konfransı keçirib. O, 1912-ci ildə bataraq 1514 nəfərə məzar olan “Titanik” gəmisinin oxşarı olan “Titanik 2″nin 2016-da yola çıxacağını açıqlayıb. Palmer yaxın günlərdə Çində inşasına başlanılacaq “Titanik 2” gəmisinin orjinalı kimi İngiltərənin Southempton limanından Nyu-Yorka gedəcəyini açıqlayıb. Onun sözlərinə görə, gəmi orjinalından daha təhlükəsiz olacaq: “Titanik” röyaların gəmisi idi. “Titanik 2” isə röyaları gerçəkləşdirən gəmi olacaq”.
Gəminin lüks hissəsində sərnişinlər türk hamamı, üzmə hovuzunda istirahət edə biləcəklər.
Əsl “Titanik” 269 metr olduğu halda, onun bənzəri daha uzun – 269.138 metr olacaq. Əslindən fərqli olaraq “Titanik 2″də canqurtaran qayıqların da sayı daha çox olacaq.
Bu gəmi 2435 sərnişin tutumuna malik nəzərədə tutulub. Hələlik tarixin ən məşhur gəmisinin yenidən inşaasının necəyə başa gələcəyi açıqlnmayıb (ans press).
