Metropolitenin rəisi Ziya Məmmədovun planlarını pozur
Bakı Metropoliteninin rəisi Tağı Əhmədov vahid kart sisteminə keçməyəcəklərini bəyan edib. Metropoliten rəisi bundan əvvəl də vahid kart sistemilə eyni mövqe sərgiləmişdi. Tağı Əhmədovun bu məsələdə israr etməsi nəqliyyat naziri Ziya Məmmədovun Bakı Metropoliteni ilə bağlı planlarından irəli gəlir. Nəqliyyat naziri uzun müddətdir ki, Bakı Metropolitenini də Nəqliyyat Nazirliyinə tabe etdirmək istəyir.
Ziya Məmmədov bu məsələdə vahid kart sistemindən istifadə etməyə çalışır. Nazir düşünür ki, onsuz da “yuxarılar” vahid kart sisteminə keçilməsini tələb edirlər. Bu da “yuxarılar”a nəqliyyat sektorunda maliyyə dövriyyəsinin real vəziyyətindən xəbərdar olmaq üçün lazımdır. Ona görə də vahid kart sisteminə keçid Ziya Məmmədovun üêrəyincə deyil. Lakin o, buna məcburdur. Nəqliyyat naziri düşünür ki, bir halda, vahid kart sisteminə keçilməsi zərurətə çevrilib, onda heç olmasa bu yolla Bakı Metropolitenini rəhbərlik etdiyi quruma tabe etdirsin. Bu niyyətlə Bakı Metropoliteninin də vahid kart sisteminə keçməsi məsələsini qaldırıb. Bu baş verəcəyi təqdirdə metropoliten avtomatik Nəqliyyat Nazirliyinin nəzarətinə keçəcək.
Tağı Əhmədov isə müstəqilliyini əldə vermək istəmir. Bu baxımdan da vahid kart sisteminə keçməməkdə israr edir.
