Əkrəm Əylisli: «Onlar hər yerdə bütlər ucaldır, yaltaqlar tapır və boşboğazlıqla məşğul olurlar»
Azərbaycanda hakimiyyət fərli düşüncələri qəbul edə bilməyən məmurlar ucbatından tənəzzülə uğrayır. Bu fikri “Obyektiv”TV-yə müsahibəsində yazıçı Əkrəm Əylisli bildirib. Onun sözlərinə görə, hakimiyyət illərdir ziyalılara qarşı hücumları davam etdirir. Əvvəlcə hakimiyyət radikal, daha sonra isə bütün qalan siyasi müxlifəti “boğdu”, indi isə növbə vətəndaş cəmiyyətinə və ziyalılara gəlib.
“Lakin tarixdə yalnız hakimiyyətin mənəvi bataqlıq yaratmaq cəhdlərinə qarşı çıxanlar qalır və bu, əsasən alimlər: humanitarlar, yazıçılar, digər yaradıcı peşələrin nümayəndələridir”, deyə yazıçı bildirib.
10 il əvvəl, Heydər Əliyevin hakimiyyəti dövründə o, ölkənin ən yüksək mükafatı – “Istiqlal” ordeni ilə təltif edilib. Onun xidmətlərinə görə və digər hökumət mükafatları, o cümlədən keçmiş SSRI orden və adları da var. “Lakin mən heç vaxt bəxşiş istəmədim, verdilər- təşəkkür etdim, vermədilər – hakimiyyətin təbii unutqanlığı saydım. Hakimiyyətin psixoloji mahiyyəti dəyişmir”, deyə Əylisli bildirib.
Hazırki ölkə rəhbərliyinin düşünən isnanlara ehtiyacı yoxdur. 21-ci əsrdə, müasir texnologiyalar və qloballaşma dövründə Azərbaycan hakimiyyəti hər yerdə bütlər ucaldır, yaltaqlar axtarıb tapır və boşboğazlıqla məşğul olur.
Bu, cəmiyyətin səfehləşməsinə gətirib çıxarır, yazıçı belə hesab edir.
Əylislinin fikrincə, hakimiyyətin drammaturq Rüstəm Ibrahimbəyliyə, professor Rafiq Əliyevə və Ziyalılar Forumunun digər təsisçilərinə qarşı təzyiqləri əks təsir göstərəcək və arzu olunan nəticəni verməyəcək.
Əylisli əmindir ki, əsl ziyalılar susmayacaq.
