Cahangir Əsgərovla Aydın Bəşirov nəqliyyat nazirinə tabe olmur
Nəqliyyat naziri Ziya Məmmədov “Azal”ın rəhbəri Cahangir Əsgərovdan və Xəzər Dəniz Gəmiçiliyi Idarəsinin(XDGI) rəisi Aydın Bəşirovdan vaxtaşırı ölkə başçısı Ilham Əliyevə şikayət edir. Bu barədə qəzetimizə daxil olan məlumatda bildirilir ki, Ziya Məmmədovun adıçəkilən şəxslərdən şikayətinin kökündə onların nəqliyyat naziri ilə saymazyana davranması dayanır.
“Azal” və XDGI Nəqliyyat Nazirliyinə tabe qurumlar olsa da, Cahangir Əsgərovla Aydın Bəşirov özlərini müstəqil sayırlar. Onlar Ziya Məmmədova tabe olmayaraq rəhbəri olduqları qurumları özləri bildikləri kimi idarə edirlər. Nəqliyyat nazirinə “Azal” və XDGI-nin fəaliyyətilə bağlı yalnız statistik məlumatlar göndərilir. Bu məlumatlar da ona görə göndərilir ki, Ziya Məmmədov müşavirələrdə “Azal” və XDGI barədə də nəsə danışa bilsin.
Nəqliyyat naziri isə Cahingir Əsgərovla Aydın Bəşirovun müstəqilliyinə son qoymaqda israrlıdır.
Namiq
