Hospitalın qəbul otağının müdiri Həbib Məmmədov qandallandı
Daxili İşlər Nazirliyinin A.Heydərov adına Respublika Hospitalının qəbul otağının müdiri Həbib Məmmədov həbs edilib.
AzNews.az-ın məlumatına görə, DİN-in Mütəşəkkil Cinayətkarlığa qarşı Mübarizə İdarəsinin əməkdaşları dekabrın 4-də günorta saatlarında həmin vaxt qəbul şöbəsində olanların gözü önündə H.Məmmədovun qollarını qandallayaraq aparıblar.
İnformasiyanı dəqiqləşdirmək üçün DİN-in mətbuat xidməti ilə əlaqə saxlasaq da telefonlarımıza cavab verən olmadı. Hospitaldan isə sualı ümumiyyətlə cavablandırmaq istəmədilər.
