Hökümət başçısı yeddinci müddətə partiya sədri seçilib
Hanoverdə «Xristian-demokratik ittifaqın» qurultayında Almaniya kansleri Angela Merkel yeddinci dəfə partiyanın sədri postuna seçilib. O qurultay nümayəndələrinin 97% səsini qazanıb. Merkel öz çıxışında XDİ-nın Almaniyanın birləşməsindən sonra ən uğurlu hökumətə başçılıq etdiyini deyib. Merkel çıxışını başa vurandan sonra zal ayağa qalxaraq onu 8 dəqiqə alqışlayıb. Almaniya birləşəndən sonra hələ bu səviyyədə etimad qazanan ikinci belə bir şəxs olmayıb. Ölkə vətəndaşları arasında keçirilən sorğuya əsasən əhalinin 67%-i hökumət başçısının işindən razıdır. Bu da Merkelin üçüncü dəfə hökumətə başçılıq edə biləcəyindən xəbər verir.
Azadlıq.info
