Ekspertlər iki ssenari ilə üz-üzə qalan Rusiya hakimiyyəti üçün əsas riskləri açıqladı
Bu yaxınlarda yəqin ki, Vladimir Putin özünü korrupsiyaya qarşı əsas mübariz elan edəcək. O bunu Federal Şuraya prezident müraciəti çərçivəsində edə bilər. «Vedomosti» nəşri bu sənədin yüksək məxfilik şəraitində yazıldığını bildirsə də, digər nəşrlər artıq əsas mövzuları sadalayır: üçüncü müddətə seçilməsinin səbəbləri, korrupsiya ilə mübarizə və seçkiqabağı vədlərin yerinə yetirilməsi.
Ekspertlər Putinin antikorrupsiya kampaniyasını şəxsi prioritet elan edə biləcəyini deyir.
Rusiyalılar arasında noyabrda keçirilən son sorğunun da nəticələri də maraqlıdır. Rusların 21% əmindirlər ki, Putinə korrupsiya ilə mübarizə aparmaq çətindir, çünki o özü korrupsiyaya uğramış məmurlardan asılıdır. Martda isə respondentlərin 15%-i bu fikirdə idi. Vətəndaşların 35%-i isə əmindirlər ki, Putinə uğur əldə etmək çətin olacaq, çünki Rusiyada korrupsiyanın qarşısını almaq mümkün olmayacaq. Yazda da bu fikirdə olanların sayı eyni idi.
Üç dərəcəli böhran və iki ssenari
Vaşinqtonda hələ noyabrın 27-də Karneqi mərkəzinin təqdim edilən hesabatda diqqətə layiq bir neçə digər nəticələr var. Belə ki, ekspetlər üç dərəcəli siyasi böhranın yetişdiyini qeyd edir. İlk növbədə bu Putinin qurduğu hakimiyyətin şəxsləndirilməsidir. İkincisi ölkədəki iqtisadi modelinin böhranıdır. Nəhayət, üçüncüsü ictimai davranış modelinin böhranıdır.
Hesabat müəllifləri bundan irəli gələrək Rusiyanın gələcəyinin bir birinə ziddiyyət təşkil edən iki ssenarisini görür. Rusiya ya yavaş-yavaş dağılacaq, bu da fəlakətə gətirib çıxara bilər. Ya da dəyişikliklərə məruz qalacaq, bu da qanunun aliliyini tələb edir. Bu da nəinki rejimi, ümumiyyətlə sistemi dəyişəcək.
“Azadlıq”
