Flora Kərimova deputat pensiyası tələb edir

Xalq artisti məhkəməyə müraciət edib

2005-ci ilin parlament seçkilərində faktiki qalib gələn lakin mandat ala bilməyən xalq artisti Flora Kərimova qanuni haqqını bərpa etmək üçün Avropa Məhkəməsinə qədər getdi. Avropa Məhkəməsi də F.Kərimovanın millət vəkili seçilmək hüququnun pozulduğunu tanıyaraq Azərbaycan hökuməti qarşısında tanınmış sənətçiyə 59 min avro təzminat ödəmək tələbi qoydu. İndi də F.Kərimova hökumətdən deputat pensiyası tələb edir və bu məqsədlə məhkəməyə də müraciət edib. F.Kərimovanın sözlərinə görə, onun hüquqlarını vəkil Fuad Ağayev müdafiə edir, iş üzrə ilk proses isə dekabrın 11-də, saat 10.30-da Həsimi Rayon Məhkəməsində olacaq.
Lakin F.Kərimova məhkəmədən ədalətli qərar gözləmədiyini və haqqını bərpa etmək üçün Avropa Məhkəməsinə qədər gedəcəyini bildirir: “Yerli məhkəmələrdən ədalətli qərar gözləmirəm. Hər şey sifarişlə həll olunur. Barəmdə ədalətli fikirləşsəydilər, elə hüququmu əvvəldən təmin edərdilər də”.

Gültəkin