Nümayişçilər gecəni Təhrir meydanında keçirib.
Misirdə nümayişçilər Prezident Məhəmməd Mursinin yeni və daha geniş səlahiyyətlərini əlindən almayınca, etirazlara davam edəcəklərinə söz veriblər.
Minlərlə insan çərşənbə axşamı Misir boyunca etiraz nümayişlərinə çıxıb. Keçmiş Prezident Hüsni Mübarəkin devrilməsindən sonra bu, ilk ən böyük nümayişlərdən biridir.
Yüzlərlə misirili Qahirənin Təhrir meydanındadır və havaya tüstü bombaları atırlar.
Cənab Mursinin opponentləri cümə günü kütləvi nümayişə çağırıb.
Konstitusiya bəyannaməsi kimi tanınan fərmana əsasən prezidentin qərarlarını heç bir səlahiyyət orqanı ləğv edə bilməz.
Misirlilər “Mursi bəyannaməsini ləğv edənə qədər Təhrirdə qalacaqlarını” bildiriblər.
