Rusiyadan Türkiyəyə Patriot xəbərdarlığı
Rusiya, Türkiyənin Suriya sərhəddinə yerləşdirdiyi Patriot raket mərmisinə görə xəbərdarlıq edib.
“Azadlıq”-in Reutersə istinadən verdiyi məlumata görə, Rusiya Xarici İşlər Nazirliyinin sözçüsü Aleksandr Lukaşeviç Türkiyə-Suriya sərhədinə Patriot yerləşdirilməsinin bölgəyə sabitlik gətirməyəcəyini söyləyib.
Türkiyənin hakim partiya sədrinin müavini Hüseyn Çelik mətbuat konfransında çıxışı zamanı bildirib ki, Suriya sərhəddinə yerləşdirilən Patriot raketinin tətiyi Türkiyədə olacaq.
