“Bu pulları biz… toplamışıq”
Gürcüstan prezidenti Miaxil Saakaşvili noyabrın 15-də İtaliyda müalicədə olub. Hər il olduğu kimi, bu dəfə də o, hərtərəfli tibbi mayinədən keçib. Bu barədə prezidentin mətbuat xidməti məlumat yayıb. Məlumatda xüsusilə vurğulanır ki, prezident İtaliyada öz hesabına tibbi xidmətlərdən yararlanıb, dövlətin bir “tetri“sini də (quruş) xərcləməyib və prezidentin sağlamlığı 100% əladır.
“Gürcüstan Online“sa xəbər verir ki, Saakaşvili prezident sarayında gənclər parlamentinin nümayəndələri ilə görüşüb. Yeni hökumətin ünvanına səslənən prezident deyib ki, xalqa seçki ərəfəsi verdiyimiz vədlərə birgə əməl etməliyik: “Ölkədə həbslər baş alıb gedir. Bəziləri bundan çox məmnundur. Bəziləri isə, o cümədən bizim Qərbdəki dostlarımız narahatdırlar.“
Prezident çıxışında deyib ki, rəhbərlik etdiyi partiyanın təşkil etdiyi hökumətin səyləri nəticəsində hazırda 8 milyardlıq büdcəyə sahibirlər: “İndi çoxları deyir ki, güya biz büdcənin axırına çıxmışıq. Mən iqtidara gələndə dövlət büdcəsi cəmi 500 milyon idi. Bu pulları bizə varlı dostumuz verməyib. Biz bu pulları vergi yığmaqla və korrupsiyanın səviyyəsini aşağı salmaqla toplamışıq“ (musavat.com).
