Avropa İttifaqının Bakı ofisinin siyasət, iqtisadiyyat və informasiya şöbəsinin rəhbəri Toralf Pilzin başçılıq etdiyi diplomat heyəti “Tolışi Sədo” qəzetinin baş redaktoru Hilal Məmmədovun evinə gedərək, onun ailə üzvlərilə görüşüb. İki saata qədər davam edən görüşdə qonaqlar Hilal Məmmədovun həbs olunduğu gündən bəri baş verənlər barədə, habelə qondarma iş üzrə istintaq və məhkəmələrin gedişilə maraqlanıblar.
Toralf Pilz bildirib ki, Avropa İttifaqının mərkəzi qərərgahının məsləhəti ilə keçirilən görüş eyni zamanda siyasi məna kəsb edir və bu, təmsil etdiyi qurumun Hilal Məmmədova dəstəyinin ifadəsidir.
Qonaqlar həmçinin Hilal Məmmədovun sağlıq durumu ilə maraqlanıb.
Görüşə qatılan Hilal Məmmədovun atası professor Əlif Məmmədov ailə adından göstərdikləri diqqətə görə Avropa İttifaqının simasında diplomatlara dərin təşəkkürünü bildirib.
Görüş noyabrın 15-də olub.
Avropa İttifaqının təmsilçiləri Hilal Məmmədovun ailəsilə görüşüb
•
