Toplantının ölkədəki vəziyyətlə bağlı olduğu ehtimal edilir
Prezident Administrasiyasının (PA) rəhbəri Ramiz Mehdiyevin icra başçıları ilə müşavirə keçirib. Xəbəri “Aznews.az” saytı yayıb. Məlumatda bildirilir ki, 17 noyabr Azərbaycanın Milli Dirçəliş Gününə həsr olunan müşavirədə Azərbaycanın bütün rayon və şəhər icra hakimiyyətinin başçıları iştirak edirlər.
Müşavirənin Dirçəliş Gününə həsr edildiyi bildirilsə də, konkret hansı məsələlərin müzakirə olunması barədə məlumat yoxdur. Ehtimal etmək olar ki, icra başçılarını PA-ya dəvət olunması ölkədəki vəziyyətin gərginləşməsi ilə bağlıdır. Hazırda ölkədə sosial gərginlik pik həddə çatıb. Azərbaycanın bütün bölgələrində vətəndaşlar açıq-aşkar hakimiyyətdən narazılıqlarını ifadə edirlər. Bu da hakimiyyəti narahat etməyə bilməz. Mümkündür ki, Ramiz Mehdiyev icra başçılarını toplayaraq mövcud vəziyyətə müvafiq olaraq direktiklərini onların diqqətinə çatdırıb.
Bir məqamı da qeyd edək ki, xeyli müddət idi ki, Ramiz Mehdiyev görünməz olmuşdu. Onun səhhətində ciddi problemlər yarandığı bildirilirdi. Məlumatlarda deyilirdi ki, PA rəhbəri müalicə üçün Avropa ölkələrindən birinə gedib. Başqa məlumatlarda isə onun ABŞ-da müalicə olunduğu bildirilirdi.
