Ulyanovsk azərbaycanlıları İslam Hüseynovdan niyə şikayətçidir və o ittihamlara necə cavab verir
Hakimiyyətyönlü Ümumrusiya Azərbaycanlıları Konqresinin Ulyanovsk vilayəti şöbəsinin sədri Islam Hüseynov öz həmvətənlərinə qarşı zorakılıqda ittiham olunur. Bu barədə bir sıra Rusiya KIV-i xəbər yayıb.
Həmin yazılarda Ulyanovskdakı “Tepliçnaya” bazarında çalışan bir həmyerlimizlə, Əlimərdan Xanışovla müsahibə verilib. Həmin müsahibədə Əlmərdan Islam Hüseynovun və onun yaxın qohumu Qabil hüsenyovun Ulyanovskdakı azərbaycanlıların başına açdığı oyunlar yer alıb.
“Islam və Qabil bazardakı azərbaycanlıları döyüdürür, təhqir etdirir. Sanki hamı onlara bac verməlidir. Onların əlində bir Karvan kafesi var. Bir çox adamları Karvana apartdırıb təzyiq edirlər. Guya burda yaşayan azərbaycanllıar Islamı dəstəkləyir. Amma elə deyil. Biz artıq onun əlindən bezmişik. Moskvaya konqresə belə şikayət etmişik”.
Əlmərdanın dediyinə görə, Islamın adamları onun özünü öir neçə dəfə döyüblər. Həmin vaxt Islam dedi ki, lazım olarsa onu lap aradan götürdər.
Əlmərdan Xanışov daha şok məlumatlar açıqlayaraq bildir ki, Hüseynovun Adı bir neçə il bundan əvvəl Gəncədə baş vermiş cinayətdə hallanır. Mənim bildiymə görə, o və adamları Gəncədə bir nəfəri öldürüb sonra da yandırmışdılar. Düzdür, qorxuram, ailəm var. Amma geri çəkilmək fikrim yoxdur.
Amil Rüstəmov adlı həmyerlimizin yerli telekanala dediiynə görə, Islam Hüseynovun bir neçə pasportu var. “O, Azərbaycanda axtarışdadır. Burda isə diaspora sədri. Məgər bunu bilmirlər? Ulyanovskda yaşayan butun azərbaycanlıların səbri daşır. Bu Adamı burdan rədd edəcəklər, ya yox. Islam burdakı azərbaycanlılara qənim kəsilib, bizim disporaya Azərbaycanı istəyən adam rəhbərlik etməlidiir.
Islam Hüseynov isə “Azadlıq”ın müxbiri ilə söhbətində deyilənləri qəti şəkildə təkzib etdi. O, bildirdi ki, bütün deyilənlər ona qarşı atılmış çirkin böhtandır: “Burda hamı bilir ki, mən bir diaspora lideri kimi azərbaycanlılara nə qədər dəstək oluram. Bir neçə nəfər var ki, işi-gücü barəmdə iftira yaymaqdır. Çoxu da bir qədər əvvəl mənə sui-qəsd təşkil edənlərin yaxınlarıdır. Burda bir Şakir Göyüşov var, bütün pullarını kartda uduzub indi hamını təhdidlə məşğuldur. Bircə istəyi də odur ki, təki hardansa pul əldə etsin. Mənə qarşı da kampaniya aparır. Mən onların barəsində yerli hüquq-mühafizə oqanlarına müraciət edəcəm”.
