Bakida noyabr ayında keçirilən İnternet İdarəçilik Forumunun ərəfəsində və zamanında baş verənlər ətrafında qalmaqal böyüməkdədir. Son günlər ərzində bir sıra xarici mətbuat orqanı forumda baş verənlərin siyasi, geopolitik və texniki tərəfləri haqqında araşdırmalar hazırlayıblar.
İngiltərənin nüfuzlu “Guardian” qəzeti yazır ki, bu forumun Azərbaycanda keçirilməsi yanlış idi, çünki Azərbaycan höküməti jurnalist və bloqqerlərə qarşı çox qəddar davranır, Azərbaycanda həbslər və insan haqqlarının pozulması davam edir.
BBC Avropa Komissiyasının vitse-prezidenti Neelie Kroesin Bakıdakı Forum haqqında yazdığı bloqpostdan danışır. Kroes hesab edir ki, Forum Azərbaycanda dəyişikliyini katalizatoru ola bilər.
“Əl-Cəzirə” telekanalının saytı yazır ki, İnternet Forumunun bloqqerləri həbs etmək ilə məşhur olan Azərbaycanda keçirilməsi bir çox iştirakçı tərəfindən etiraz ilə qarşılanıb. Forumun iştirakcıları izləmə altında olub, Avropa Komissiyasının rəsmilərinin kompüterləri hak olunub.
Eurasianet.org saytı Azərbaycan internetinin nə qədər azad olduğunu sual altına alır və yazır ki, İnternet İdarəçilik Forumu internetin azad olması ilə bağlı sualları yenidən qabardıb (musavat.com).
