İspaniyanın “Barselona” klubunun arqentinalı ulduzu Lionel Messi bir təqvim ilində vurduğu qolların sayına görə braziliyalı Pelenin rekordunu qırdı. La Liqanın 11-ci turunda «Barselona» «Malyorka» ilə qarşılaşıb və Messi bu görüşdə dubl edib. Bununla da argentinalı ulduz 2012-ci il ərzində vurduğu qolların sayını 76-ya çatdırıb. O bu göstərici ilə 1958-ci ildə Braziliya yığması və “Santos”un heyətində 75 dəfə fərqlənmiş Peleni geridə qoyub. Ancaq bu göstəricidə rekord almaniyalı Gerd Müllerə məxsusdur. Müller 1971-ci ildə Almaniya millisi və “Bavariya”nın heyətində 85 qol vurub. Hazırda Messi Müllerdən 9 top geridədir. Lakin bu rekordu təzələmək üçün onun ay yarım vaxtı var. Xatırladaq ki, arqentinalı ulduz ardıcıl üç il planetin ən yaxşı futbolçusu seçilib. Bu il isə o «Qızıl butsı» və Avropa çempionatlarının ən yaxşı bombardiri tituluna yiyələnib.
“Azadliq.info”
