Fransanın Sevran şəhərinin meri ölkə parlamentinin binası qarşısında aclığa başlayıb.
Şəhər rəhbəri müflisləşmə həddində olan bələdiyyəsinə büdcə dotasiyalarının artırılmasını tələb edir. Seran meri aksiyaya cümə günü başlayıb və Fransa parlamentinin aşağı palatasının iclaslarının keiçrildiyi Burbon sarayı qarşısında çadır qurub. Artıq parlament bu aksiyaya reaksiya verib və gələn həftənin çərşənbə axşamı Sevran şəhərinə dotasiyaların ayrılması məsələsi müzakirəyə çıxarılacaq. Şənbə günü isə daxili işlər naziri Manuel Vals aclıq edən merlə görüşüb və ona dəstək ifadə edib. Mer Stefan Qatinyon isə çərşənbə axşamına qədər parlamentin qarşısında qalacağını deyib.
“Azadliq.info”
