Qarabağ danışıqlarının həlli ilə bağlı aparılan danışıqlara vasitəçilik edən ATƏT-in Minsk Qrupunun həmsədrləri özlərinin illik hesabatlarını təqdim ediblər.
Noyabrın 8-də Vyanada ATƏT-in Daimi Şurasına təqdim olunan hesabatda həmsədrlər son bir ildə regiona fərdi və birgə səfərləri, münaqişə tərəfləri ilə görüşləri, həmçinin keçən ilin yanvarında Azərbaycan, Rusiya və Ermənistan prezidentlərinin Soçi görüşləri haqqında məlumat verirlər.
Həmsədrlər Qarabağ münaqişəsi xəttində gərginliyin artmaması və qarşıdurmanın alovlanmaması üçün gördükləri işlər haqqında məlumat verir, bu sahədə xüsusilə ATƏT sədrinin şəxsi nümayəndəsi Anjey Kasprşikin fəaliyyətini qeyd edirlər.
Məlumatda həmçinin qeyd edilir ki, həmsədrlər noyabrın sonunda yenidən regiona səfər edəcəklər. Bu səfər ATƏT ölkələri xarici işlər nazirlərinin dekabrda Dublin görüşünə hazırlıq məqsədi daşıyacaq.
ATƏT-in Minsk Qrupuna ABŞ-dan Robert Bradtke, Rusiyadan Iqor Popov və Fransadan Jak Faure həmsədrlik edir.
