“İlham Əliyev razılıq versə də, məni həbsxanalara buraxmadılar”
“Azad medianı qapatmaqla, insanların ağzını baglatmaqla heç nə əldə olunmur”
Azərbaycanda səfərdə olan Avropa Komissiyasının vitse prezidenti Nelli Kroes səfər proqramlarının yekünlarına dair mətbuat konfransında şok açıqlama verib. Kroes bildirib ki, ölkə başçısı İlham Əliyev səviyyəsində razılıq verilsə də, onu siyasi dustaqlara baş çəkmək üçün həbsxanalara getməyə qoymayıblar. Onun sözlərinə görə, İlham Əliyevlə görüşdə siyasi dustaqlarla görüşmək istədiyini deyib və buna şərait yaradılmasını istəyib. İlham Əliyev də ona heç bir problem olmayacağını və istəyini həyata keçirə biləcəyini vəd edib. Amma bu gün onu həbsxanaya buraxmayıblar. “Mənim ölkəmdə belə şey ola bilməz”, – deyə o bildirib.
Kroes bundan başqa, Azərbaycanda mətbuatın vəziyyətinə də toxunub və bu konteksdə “Azadlıq” qəzetinə dəstək verib. O, bildirib ki, Azərbaycan hakimiyyəti ifadə azadlığını təmin etməlidir. Azərbaycan prezidenti ilə bu məsələ ətrafında da müzakirələr apardığını deyən Kroes dövlət başçısından buna təminat aldıgını da söyləyib: ”İlham Əliyev məni əmin etdi ki, Azərbaycanda internet azad olacaq. Hər kəsin internetə sərbəst çıxış imkanı saxlanacaq”.
Mətbuat nümayəndələrinin “Azadlıq” və “Yeni Müsavat” qəzetlərinə qarşı kütləvi cərimə sanksiyaları barədə suala cavab verən Kroes deyib ki, bu məsələni diqqətdə saxlamağa çalışacaq: “Burada vətəndaş cəmiyyəti qurumları ilə görüşlərim oldu. Bir sıra problemleri eşitdim. İstərdim ki, İlham Əliyevlə yenidən görüşüm. Amma görüşə bilməsəm də, məktub yazacağam. Hesab ediərm ki, azad mediaya qarşı dözümlü olmaq lazımdır. Qapatmaqla, insanların ağzını baglatmaqla heç nə əldə olunmur. Əksinə bunun mənfi fəsadları baş verir”.
Mətbuat konfransından geniş məlumat veriləcək.
