Saxtakarlıq dayandırılmasa, istefa tələbi irəli sürüləcək!
Noyabrın 5-də Ukrayna müxalifətinin bir qrup təmsilçisi Kiyevdə – Mərkəzi Seçki Komissiyasının binası qarşısında etiraz aksiyası keçirib. Birləşmiş müxalifəti təmsil edən “Batkivşina” bloku, Zərbə və Azadlıq partiyalarının tərəfdarları prezident Viktor Yanukoviçi oktyabrın 28-də keçirilmiş parlament seçkisinin nəticələrinin saxtalaşdırılmasını dayandırmağa çağırıblar.
Əks halda, prezidentin istefası tələbini irəli sürəcəklərini bəyan ediblər.
“Mediaforum” xəbər verir ki, səslərin 99,95 faizi sayıldıqdan sonra hakim Regionlar Partiyasının 450 yerlik Ukrayna Ali Radasında 186 mandatı var. Müxalif düşərgənin nəticələri belədir: “Batkivşina” bloku – 105, Zərbə Partiyası – 40, “Azadlıq” bloku – 37.
Müstəqil namizədlər 43, Kommunist Partiyası 32 mandat qazanıb. Qalan 7 mandat digər partiyalar arasında bölünüb.
