Türkiyənin baş naziri Rəcəb Tayyib Ərdoğanın sədirliyilə Nazirlər Kabinetinin dünən keçirilən iclası başlandıqdan 20 dəqiqə sonra binanın həyətində atəş səsi eşidilib. Türkiyənin «Hürriyyət» qəzetinin verdiyi məlumata görə, binaya yaxınlaşaraq atəş açan şəxs elə Nazirlər Kabinetinin mühafizə xidmətinin əməkdaşı Nuri Başkapan olub. Üç dəfə atəş açdıqdan sonra ona yaxınlaşan mühafizə xidmətinin əməkdaşlarına təslim olan Nuri Başkapan əməlini şəxsi problemləri ilə izah edib. Onu da qeyd edək ki, Ərdoğanın iştirakı ilə keçirilən iclas otağı atəş açılan ərazidən 10 metr aralıda olub.
azadliq.info
