Rusiya və Ərəb ölkələri Liqası müzakirələr aparmaq üçün birgə forum yaratmaq niyyətindədir. Forumun 2012-ci ilin sonunda Moskvada keçiriləcək birinci iclasında Suriyadakı vəziyyət müzakirəyə çıxarılacaq. Görüş xarici işlər nazirləri səviyyəsində keçiriləcək. Rusiyanın xarici işlər naziri Sergey Lavrov bildirib ki, Suriyadakı böhranın regiondakı qonşu ölkələrə təsiri ciddi narahat edir. Lafrov hesab edir ki, beynəlxalq birlik Suriya məsələsində prioritetlərini müəyyənləşdirməlidir: «Əgər prioritetlər insan həyatının xilasıdırsa, o zaman tərəfləri danışıqlar masası arxasına oturmağa məcbur etmək lazımdır. Rusiya Cenevrə razılaşması hər iki tərəflə əməkdaşlıq edir. Amma təəssüf ki, bu razılaşmanın digər üzvləri götürdükləri öhdəliklərə riayət etmirlər. »
Lavrov həmçinin Qərb ölkələrini Suriya məsələsində nümayiş etdirdikləri mövqeyə görə sərt tənqid edib. Rusiyanın baş diplomatı Qərbi Suriyada vəziyyəti qəlizləşdirməkdə və tərəflər arasında gərginliyi artırmaqda ittiham edib. Lavrov hesab edir ki, bu yol ilə Qərb Suriyada hakim rejimi devirməyə çalışır.
azadliq.info
