Bloomberg Markets jurnalı ötən bazar dünyanın 200 ən varlı adamının reytinqini dərc edib. Forbesin siyahısı kimi ona da meksikalı maqnat Karlos Slim Xelu başçılıq edir. Hər iki reytinqdə ikinci yeri Microsoftun sahibi Bill Qeyts tutur. Siyahıla milyarderlərin 10%-i Rusiyanı təmsil edir. Rusiyalı varlılar arasında ilk yeri 18 mlrd. dollarla Alişer Usmanov tutur (ümumi siyahıda 40-cı yer). Daha sonra 18,8 mlrd. dollarla Viktor Vekselberq (42), 16,9 mlrd. dollarla Leonid Mixelson (43), 16,7 mlrd.dollarla Vladimir Lisin (44), 15 mlrd. dollarla Aleksey Mordaşov (48) gəlir. Roman Abramoviç 14,7 mlrd. dollarla 50-ci, Mixail Proxorov 13,9 mlrd. dollarla 55-ci, Vladimir Potanin 13,8 mlrd. dollarla 58-ci, Vahid Ələkpərov 12,4 mlrd. dollarla 72-ci, Andrey Melniçenko 12 mlrd. dollarla 75-ci yerdə qərarlaşıblar.
Rusiyadan bu siyahıya həmçinin Oleq Deripaska (90-cı yer), Qerman Xan (103), Dmitrii Rıbolovlev (115), Aleksey Kuzmiçev (148), Serqey Qalitskiy (150), İsgəndər Mahmudov (154), Vladimir Yevtuşenko (174), Suleyman Kərimov (175) və Leonid Vedun (190) da var.
Reytinqin lideri Karlos Slim Xelunun sərvəti 77,5 mlrd. dollar dəyərində qiymətləndirilir. Forbesin siyahısında isə bu məbləğ 69 mlrd. dollar göstərilirdi. Microsoft rəhbəri Bill Qeytslə də vəziyyət eynidir. Əgər Bloomberg onun sərvətini 64,4 mlrd. dollar göstəririsə, forbesdə bu göstərici cəmi 61 mlrd. dollar idi. Üçüncü yerlə bağlı Bloomberg və Forbes arasında fikir ayrılığı var. əgər Forbes planetin üçüncü ən varlı adamı Uorrer Baffotu hesab edirsə, Bloomberg bu yerə 53,6 mlrd. dollara sahib ispaniyalı Amankio Ortequnun yerləşdirib. Bloombergin siyahısında Baffet 48, 4 mlrd. dollarla dördüncüdür. Planetin ən varlı şəxslərin ilk onluğuna həmçinin İsveçin İKEA mebelfirmasının qurucusu İnqvar Kamprad (41,8 mlrd.), amerikalı Çarlz Kox 38,6 mlrd), onun qardaşı Devid Kox (38,6 mlrd), Oracle korporasiyasının qurucusu Larri Ellison (37,2 mlrd), Wal-Mart-ın varisi Kristi Rut Uolton (30,5 mlrd) və Wal-Mart-ın yaradıcısının kiçik oğlu Djim Uolton (29,3 mlrd) daxildir.
azadliq.info
