Tehranın Fars körfəzində hərbi qüvvələrinin sayını artırır İran Birləşmiş Ərəb Əmirliyinin öz ərazisi hesab etdiyi üç adada hakimiyyətini möhkəmlətmək üçün Fars körfəsində hərbi qüvvələrini artırır. Bu barədə Tehrandakı mənbələr məlumat verib. Adalar neft nəqli üçün strateji hesab edilən Hörmuz boğazının yaxınlığında yerləşir. Adalarla bağlı məsələdə İranın tutduğu mövqe onun ərəb qonşuları ilə münasibətlərinə təhlükə yaradır. İran İnqilab Keçikçiləri Korpusunun komandanı Məhəmməd Əli Cəfəri bəyan edib ki, Fars körfəzində İran adalarının təhlüekəsizliyi onların hərbi-dəniz strategiyasının əsas hissəsidir. Şiyə İranla sunni BƏƏ arasında Böyük və Kiçik Tomb və Abu-Musa adaları üstəndə 41 illik mübahisəsi mili və etnik çalar alıb. Bu qalmaqal bu ilin aprelində prezident Mahmud Əhmədinejatın Abu-Musaya səfərindən sonra bir qədər də alovlanıb. Sentyabr ayında BƏƏ xarici işlər naziri şeyx Abdulla ben Zaid əl-Naxayan İranın üç adanı qəsb etməsi beynəlxalq hüquqa zidd olduğunu bildirib. Ötən ay isə İranın xarici işlər nazirliyinin nümayəndəsi Ramin Mehmanpərəst bəyan edib ki, Tehran qalmaqal səbəbindən BƏƏ ilə münasibətlərin kəsilməsini müzakirə edəcək. Lakin sonradan xarici işlər nazirliyi dövlət televiziyası ilə məlumatı təkzib edib.
İranla BƏƏ arasında ada qalmaqalı
•
